अजरन्यूज संवाददाता
बुटवल ।अष्ट्रेलियावाट मास्टर्स गरेर केही दिन अगाडी मात्र नेपाल आएका बुटवल मिलनचोक स्थायी घर भएका ३० वर्षीय आशिष कंडेल १० दिनपछि मृत अवस्थामा भेटिएका छन् । उनी चितवनको देवघाटमा नुहाउने क्रममा नारायणी नदीमा भुँवरीमा परी बेपत्ता भएका थिए ।

केही वर्ष अघि अध्ययनका लागि विदेश गएका र मास्टर्स गरेसँगै आशिष डेढ महिना अघि मात्र नेपाल फर्किएका थिए । आफ्नो धर्म संस्कृति अनुसार आशिष चैत्र ४ गते चितवन पुगेर अर्को दिन ५ गते बिहान पवित्र धार्मिक स्थल देवघाटमा नुहाउन गएका थिए ।

केही वर्षदेखि काठमाडौँ कलंकीमा आमा सीता अर्याल बस्ने  गरेकाे र उनी विदेशबाट आएपछि आमासंगै बस्थे । उनले आफन्तसंग चैत्र ५ गते बिहान देवघाटमा नुहाएर बुटवल तीन दिन बस्ने याेजना बनाएकाे आफन्तसंग बताएका थिए ।

तर विडम्बना , उनी त्यहीँ दिन देवघाटमा नुहाउने क्रममा नारायणी नदीकाे भुँवरीमा परे । नदीमा दुर्घटनामा परेकाे धेरै  दिन हुँदासम्म पनि आशिषको शरीर नभेटिएपछि आमा र उनको परिवार बिछिप्त अवस्थामा थिए । नुहाउन जाँदा नदीको किनारमा खोलेर राखेका कपडा र मोवाइल प्रहरीले भेटाएकाे थियो ।

नदीको किनारमा एक घण्टा ध्यान बसेर नदीमा पसेका आशिष भुँवरीमा पर्नासाथ हात माथि उठाएर गुहार त मागेका थिए तर नुहाउन पुगेका अन्य भक्तजन मात्र होइन, बोटेहरु पनि भुँवरी परेको ठाउँमा जान हिच्किचाएकाे पीडित आफन्तले बताएका थिए । आशिष डुवेको देख्नेहरुले तत्काल प्रहरीलाई खबर गरे पनि उद्दार संभव भएन ।

पहिलो दिनदेखि उद्दार र खोजी कार्यमा दख्खल राख्ने सशस्त्र प्रहरीको टोली र आफन्तहरु निरन्तर खोजी कार्यमा लागेपनि आशिषको शरीर भेटिएको थिएन ।
आशिषको दिदी आरती धेरै जसो प्रशिद्ध धार्मिक अनुष्ठान क्षेत्र भारतमा बस्ने गरेकी छन् भने बुवा रामकृष्ण कण्डेलको २५ वर्ष अगाडि नै बुटवल खानेपानी अफिसवाट ६ दिने ट्रेनिङका लागि काठमाडौँ जाने क्रममा नौविसे नजिक बस दुर्घटनामा परी दुखद निधन भएको थियो