बुटवल । नवलपरासीकाे बर्दघाट नगरपालिका -४ दाउन्ने यस मोड नजिकै आज बिहान बस दुर्घटना हुँदा पाँच जना यात्रु घाइते भएका छन् ।
पूर्व पश्चिम राजमार्ग दाउन्नेमा काठमाण्डौबाट धनगढीतर्फ आउदै गरेको सु.प्र.०१-००१ख २३३० नं.को बस (सुदुर पश्चिम यातायात) अचानक अनियन्त्रित भई बाटोमै पल्टिन जादा उक्त बसमा सवार करिब ४०/४५ जना यात्रु मध्ये ५ जना घाईते भई उपचारको लागी बर्दघाट नगर अस्पताल चिसापानिमा पठाईएको प्रहरीले जनाएको छ ।

प्रहरी रिपोर्ट

विस्तृतः जिल्ला नवलपरासी पश्‍चिम बर्दघाट नगरपालिका-४, यस मोड नजिक पूर्व-पश्चिम राजमार्गमा बस अनियन्त्रित भई पल्टिँदा चालक र सहचालकसहित ७ जना घाइते भएका छन् ।
मिति २०८३ असोज २६ गते बिहान करिब ७:३० बजे काठमाडौँबाट धनगढीतर्फ जाँदै गरेको सुदूरपश्चिम यातायातको सु.प्र.०१-००१ ख २३३० नम्बरको बस अनियन्त्रित भई सडकमा पल्टिएको थियो । बसमा करिब ४०–४५ जना सवार रहेकोमा घाइते भएका ७ जनालाई उपचारका लागि बर्दघाट नगर अस्पताल, चिसापानी पठाइएको छ ।
घाइतेहरूको विवरणः
१) जिल्ला दार्चुला, मालिकार्जुन गाउँपालिका-२ बस्ने ५२ वर्षीय पुष्कर सिंह धामी -अवस्था सामान्य।
२) जिल्ला अछाम, साँफेबगर नगरपालिका-५ बस्ने २६ वर्षीया मौसमी ओढ -अवस्था मध्यम।
३) जिल्ला दार्चुला, मार्मा गाउँपालिका-३ बस्ने ३० वर्षीय भगवती अवस्थी -अवस्था सामान्य।
४) जिल्ला कैलाली, लम्कीचुहा नगरपालिका-८ बस्ने २९ वर्षीया निर्मला खड्का -अवस्था सामान्य।
५) जिल्ला दार्चुला, मार्मा गाउँपालिका-३ बस्ने ४८ वर्षीय धनञ्जय जोशी -अवस्था सामान्य।
६) जिल्ला कैलाली, गौरीगंगा नगरपालिका-१० बस्ने ३९ वर्षीय बसचालक इन्द्र वि.क. -अवस्था सामान्य।
७) जिल्ला कैलाली, गोदावरी नगरपालिका-१ बस्ने ४६ वर्षीय सहचालक मोहन जोशी -अवस्था सामान्य।
बस पल्टिने क्रममा सोही दिशाबाट आउँदै गरेको भारतीय ट्रक नम्बर HR 39 G 2876 मा समेत सामान्य ठक्कर लाग्दा ट्रकको पछाडिको भागमा क्षति पुगेको छ ।
घटनाको जानकारी प्राप्त हुनासाथ इलाका प्रहरी कार्यालय बर्दघाटबाट प्रहरी निरीक्षकको कमान्डमा ट्राफिक प्रहरीसहित ११ जनाको टोली घटनास्थलमा खटिएको थियो ।
दुर्घटनापछि पनि पूर्व-पश्चिम राजमार्गमा यातायात पूर्ण रूपमा सञ्चालनमा रहेको छ ।