पोखरा । प्रदेशकाे मन्त्री बन्न नपाएपछि गण्डकीका एक प्रदेशसभा सदस्यले राजिनामा दिएका छन् ।

गण्डकी प्रदेशमा आज मन्त्रिपरिषद् विस्तार हुँदा आफू नपरेपछि सत्तारूढ दलभित्रका उनले राजिनामा दिएका हुन् ।

कांग्रेसबाट बागलुङ क्षेत्र नम्बर २ (२) बाट निर्वाचित प्रदेशसभा सदस्य द्रोणकुमार कुँवरले मन्त्री नपाएकोमा असन्तुष्टि जनाउँदै पदबाट राजीनामा दिएपछि कांग्रेस भित्रकाे बिवाद छताछुल्ल भएको छ । उनले बुधबार सभामुख कृष्णप्रसाद धिताललाई इमेलमार्फत राजीनामा पठाएका छन् ।

सभामुख धितालले राजीनामा प्राप्त भएको पुष्टि गर्दै आफू काठमाडौंमा रहेकाले पोखरा फर्किएपछि यसबारे निर्णय लिने बताएका छन् ।

धिताल काठमाडौंमै रहेकाले मन्त्रिपरिषद् विस्तार तथा शपथ कार्यक्रममा सहभागी हुन सकेनन् ।