प्युठान । दाङको भालुबाङदेखि प्युठानको बाग्दुलातर्फ जाँदै गरेको लुम्बिनी प्रदेश ०१.००१ ज ०७६२ नम्बरको इभि गाडी आज राति दुर्घटना हुँदा ३ जना घाइते भएका छन्।

सरुमारानी गाउँपालिका–४ बड्डाडा (दर्भान साइड) मा भएको दुर्घटनामा नौबहिनी–१ स्याउलिबाङका ७६ वर्षीय दलबहादुर पुन, करिब ८० वर्षीया हस्ती बुढा र दाङ घोराही उपमहानगरपालिका–रामपुरका खेमराज खनाल घाइते भएका हुन्।

घाइते सबैलाई उपचारका लागि बुटवल पठाइएको छ। इभिमा चालकसहित ६ जना सवार रहेको प्रहरीले जनाएको छ।
प्रहरी र स्थानीयले घाइतेको उद्धार गरेका हुन्।