पाल्पा । पाल्पाकाे बगनासकाली-७ दैलातुङ्स्थित कालीगण्डकी नदीमा बेपत्ता भएका दुई युवकमध्ये एक जना मृत फेला परेका छन् । मृत फेला पर्ने युवकमा पाल्पाको बगनासकाली-९ चापपानीका २९ वर्षीय ताेयानाथ बस्याल रहेकाे प्रहरीले जनाएको छ ।

नयाँ वर्षकाे पहिलो दिन कालीगण्डकी नदीमा पाैडी खेल्ने क्रममा बस्यालसँगै बगनासकाली-९ कै ३९ वर्षीय शरण भुसाल पनि बेपत्ता भएका थिए ।
बस्यालकाे शब आज बिहान दैलातुङ् नजिकै कालीगण्डकी बीचमा फेला परेकाे जिल्ला प्रहरी कार्यालय पाल्पाले जनाएकाे छ । अर्का युवाको खाेजी जारी रहेकाे प्रहरीको भनाइ छ ।