कपिलवस्तु । कपिलवस्तुको शुद्धोधन गाउँपालिकका अध्यक्ष कमलेश शरण चौधरीमाथि सामूहिक बलात्कारको मुद्दा दर्ता भएको छ ।

लामो समयदेखि राजनीतिक पहुँच र दबाबका कारण विवादमा तानिँदै आएका चौधरीविरुद्ध जिल्ला सरकारी वकिल कार्यालय रुपन्देहीले आज आईतबार मुद्दा दर्ता गरेको हो । नाम परिर्वतित भैरहवा १५ लाई अध्यक्ष चौधरीले सामुहिक बलात्कार गरेको मुद्दा दर्ता भएको हो ।

मुदा दर्तासगैं गाउँपालिका अध्यक्ष चौधरीको पद धरापमा परेको छ । सरकारी वकिल कार्यालयले राजेश्वर चौधरी , कमलेशरण चौधरी र सन्त कुमार चौधरीलाई सामूहिक बलात्कार मुद्दा दर्ता गरेको छ । यसै मुद्दामा संलग्न रहेको आरोपमा सन्त कुमार चौधरी भने हाल पूर्वपक्ष (थुनछेक) का लागि रूपन्देही कारागारमा छन् ।

पीडित पक्षका अनुसार, भैरहवा–१५ युवतीले २०८१ असोज ६ गते सामूहिक बलात्कार घटनामा चौधरीहरूको संलग्नता रहेको भन्दै किटानी जाहेरी दिएकी थिइन् ।

यसै घटनामा यसअघि पत्रकार सम्मेलन गरि पीडितको गोपनीयता भंग गरेको आरोपमा कमलेशरण चौधरी साइबर क्राइम मुद्दामा पक्राउ समेत परेका थिए । तर तत्कालीन सरकारी वलिक कार्यालयले महान्यायधिवक्ताको दबावमा मुद्द नचलाउने निर्णय गरि उन्मुक्ति दिएका थिए ।

पुरक जाहेरीमा इलाका प्रहरी कार्यालय बुटवलले मुद्दा दर्ता नगरे पनि पीडित युवतीले जिल्ला अदालतमा रिट दायर गरेपछि अदालतले इप्रका बुटवललाई मुद्दा अघि बढाउन निर्देशन दिएको थियो ।