प्यूठान । प्युठान जिल्लाको माण्डवी गाउँपालिका–४ उदयपुरकोट माझगाउँमा आज बुधवार साँझ पिकअप जिपको ठक्करबाट एक बालकको ज्यान गएको छ ।
बुधबार साँझ करिब ५ः३० बजे चकचकेबाट उदयपुरकोटतर्फ जाँदै गरेको लु.३ च ६७७७ नम्बरको पिकअप जिपले ३८ महिनाका बालक मिसन थापा मगरलाई ठक्कर दिएको थियो ।
उनलाई उपचारका लागि जिल्ला अस्पताल बिजुवार प्युठान लगिएकोमा चिकित्सकले साँझ ६ः३० बजे मृत घोषणा गरेको प्रहरीले जनाएको छ । घटनामा संलग्न सवारीसाधन र चालक इलाका प्रहरी कार्यालय बिजुवारको नियन्त्रणमा रहेको प्रहरीको भनाई छ ।