बुटवल । नेपाली कम्युनिष्ट पार्टी (नेकपा) ले पार्टी केन्द्रिय सदस्य एवं बाँकेकी नेतृ कृष्णा के.सी. ‘नमुना’लाई पार्टी सदस्य समेत नरहने गरी कारबाही गरेको छ ।
नेतृ के.सी.ले अन्य दलको निर्वाचन चिन्हमा उम्मेदवारी दिएपछि नीजलाई पार्टीको विधानको दफा १०६ वमोजिम कारबाही गर्दै पार्टीबाट निष्काशन गरिएको संयोजक प्रचण्ड र सहसंयोजक माधवकुमार नेपालद्धारा जारी विज्ञप्तिमा उल्लेख छ ।
बाँकेको राप्ती सोनारी गाउँपालिका–९ की कृष्णा २०४९ सालदेखि नै माओवादी राजनीतिमा लागेकी हुन् । उनको परिवार ४० को दशकतिर साबिक रुकुम (हाल रुकुम पश्चिम) बाट बसाइसराइ गरी बाँके झरेको थियो । उनि यसअघि लुम्बिनी प्रदेश सरकारमा माओवादीको तर्फबाट मन्त्री समेत बनेकी थिईन ।