कपिलवस्तु । कपिलवस्तुमा बोर्डिङ स्कुलको बसले मोटरसाइकललाई ठक्कर दिँदा मोटरसाइकलमा पछाडि सवार एक जनाको मृत्यु भएको छ भने चालक घाइते भएका छन्।
सोमबार साँझ करिब ५ बजेतिर कपिलवस्तु नगरपालिका–६, थुमुवास्थित ४ नम्बर सडकमा लु १ ख ८६४३ नम्बरको स्काईलार्क बोर्डिङ स्कुलको बसले युपी ५५ एल ०४८९ नम्बरको मोटरसाइकललाई ठक्कर दिएको हो।
दुर्घटनामा मोटरसाइकलको पछाडि सवार स्थानीय ६५ वर्षीय मुस्तकिम मुसलमान गम्भीर घाइते भएका थिए। उनलाई उपचारका लागि भैरहवा लगिएकोमा चिकित्सकले मृत घोषणा गरेका हुन।
दुर्घटनामा मोटरसाइकल चालक स्थानीय ५५ वर्षीय मजहर मुसलमान घाइते भएका छन्।
दुर्घटनामा संलग्न बसका चालकलाई प्रहरीले नियन्त्रणमा लिएको छ।