बुटवल । रुपन्देहीमा ६० प्रतिशत मतदान भएको छ। मुख्य निर्वाचन अधिकृतको कार्यालयका अनुसार साँढे ३ बजेसम्म ६० प्रतिशत बढी मत खसेको हो।

रुपन्देहीमा ५ वटा निर्वाचन क्षेत्र मध्येकेही निर्वाचन क्षेत्रमा ७० प्रतिशत मत खसिसकेको मुख्य निर्वाचन अधिकृत अशोक कुमार बस्नेतले जानकारी दिए ।

रुपन्देहीका पाँच वटा निर्वाचन क्षेत्रमा ६ लाख ७२ हजार ५ सय २३ जना मतदाता छन्। यी मतदाताहरूले जिल्लाभरका २ सय १३ मतदान स्थल र ७ सय ३६ मतदान केन्द्रबाट मतदान गरिरहेका छन्। आज ५ बजेदेखि मतदानको समय सकिदैछ ।