प्यूठान । राष्ट्रिय स्वतन्त्र पार्टी (रास्वपा) चुनावी प्रचारको गाडीले ठक्कर दिँदा प्यूठानमा चार जना घाइते भएका छन् । प्यूठान नगरपालिका बाग्दुला नजिकै लु १ च ७७६९ नम्बरको पिकअप जीपले मोटरसाइकल र स्कुटरलाई ठक्कर दिँदा दुर्घटना भएको हो ।

घाइते हुनेहरूमा मोटरसाइकल चालक प्युठान नगरपालिका–५ जुम्रीकाँडाका २० वर्षीय जीवन बिश्वकर्मा र मोटरसाइकलमा सवार सोही ठाउँ निवासी २१ वर्षीय रेशम खड्का रहेका छन् ।
साथै दुर्घटनामा स्कुटर चालक लमही नगरपालिका– ६ देउपुर दाङ बस्ने वर्ष २६ का दीपक पोख्रेल र उनकी श्रीमती वर्ष २५ कि सुजता भण्डारी घाइते भएका छन् । घाइतेहरूको जिल्ला अस्पतालमा उपचार भइरहेको छ ।