झापा । एमबीबीएसका विद्यार्थीले सिरिन्ज हानेर झापामा एक वृद्धको ज्यान लिएका छन् ।
झापाका डीएसपी खगेन्द्रबहादुर खड्काका अनुसार सिरिन्ज प्रहार गर्ने सिंह धरानमा बसेर एमबीबीएस चौथो वर्षमा पढ्ने विद्यार्थी हुन् ।
सिरहाका एमबीबीएस अधययनरत २७ वर्षीय दीपेशकुमार सिंहले झापाको भद्रपुर–१० का ६६ वर्षीय खेमराज ढकाललाई सिरिन्ज हानेर ज्यान लिएको जिल्ला प्रहरी कार्यालयले जनाएको छ ।

बिहीबार साँझ ढकाललाई घरबाहिर बोलाई घाँटीमा आधा गाडिने गरी सिरिन्ज रोपेका थिए । र, त्यसमा भरिएको रसायन शरीरभित्र पठाएका थिए । उक्त रसायन के थियो भन्नेबारे अनुसन्धान भइरहेको खड्काले जानकारी दिए ।

उनका अनुसार, सिरिन्ज प्रहार गर्ने सिंह र ढकालकी छोरी एउटै कलेजका विद्यार्थी हुन् । उनीहरूबीचको रिसइबीका कारण यो घटना भएको हुन सक्ने प्रहरीको प्रारम्भिक अनुमान छ ।