दाङ । दाङको राप्ती गाउँपालिकामा दुई किशोरमाथि कुटपिट गर्दा १७ वर्षीय स्मिथ प्रधानको मृत्यु भएको घटनामा संलग्न रहेकाे अभियाेगमा तीन जना पक्राउ परेका छन् ।

प्रहरीले हत्यामा संलग्न रहेकाे भन्दै एक युवतीसहित तीन जनालाई पक्राउ गरेकाे हाे । उक्त घटनामा १६ वर्षीय आयुशमान थापा मगर घाइते भएका छन्।

उनीहरू साथीको घर जाने भन्दै निस्किएका बेला मौरीघाट क्षेत्रमा अपरिचित समूहले आक्रमण गरेकाे थियाे । घाइते आयुशमान उपचाररत छन् र उनको अवस्था मध्यम छ। प्रहरीले खोजी गर्दा स्मिथको शव नजिकैको खोलाको सुख्खा नालामा हिजो फेला परेको थियाे । घटनामा संलग्न व्यक्तिहरूले फेसबुकमार्फत बोलाएर आक्रमण गरिएको आशंका गर्दै प्रहरीले थप अनुसन्धान गरेकाे थियोे ।

प्रारम्भिक जानकारी अनुसार आयुशमानलाई ‘देबीसरा गाहा’ र ‘स्वस्तिका रानामगर’ नामबाट फेसबुक मेसेन्जरमार्फत भेट्न बोलाइएको र त्यसपछि उनीहरू घरबाट निस्किएका थिए । घटनाबारे थप अनुसन्धान भइरहेको प्रहरीले जनाएको छ ।