बुटवल । एलपी ग्यास लुकाइछिपाइ राखेको आरोपमा पाेखराकाे एक डिलरलाई जिल्ला प्रशासनले कारबाही स्वरूप ५० हजार जरिवाना गरेकाे छ ।

जिल्ला प्रशासन कार्यालय कास्कीको टोलीले अनुगमनका क्रममा ग्यास लुकाइछिपाइ राखेर कृत्रिम अभाव खडा गरेको भन्दै पोखरा– ६ जरेवरमा रहेको भण्डारी ट्रेडर्सलाई ५० हजार जरिवाना लगाएको हो।

कास्कीका प्रमुख जिल्ला अधिकारी रूद्रादेवी शर्माले उक्त डिलरले ४८ थान ग्यास सिलिण्डर (१४.२ केजी) अनुचित रूपमा लुकाइछिपाइ राखेर कृत्रिम अभाव खडा गरेको पाइएकाले जरिवाना लगाएको बताइन्।