बुटवल । पाल्पाको तिनाउ गाउँपालिका–३ मा शनिबार टिप्परले ठक्कर दिदा मोटरसाइकलमा सवार दुई जनाको मृत्यु भएको छ ।

बुटवल–पाल्पा सडक खण्डअन्तर्गत बुटवलबाट पाल्पातर्फ जाँदै गरेको लु ४९ प ७७९५ नम्बरको मोटरसाइकललाई विपरीत दिशाबाट आउँदै गरेको लु २ ख १८८३ नम्बरको टिप्परले ठक्कर दिदा दुई युवाको मृत्यु भएको हो ।

मोटरसाइकलमा सवार दुवै जना टिप्परको ठक्करबाट गम्भीर घाइते भएका थिए । उनिहरुलाई तत्काल उपचारका लागि अस्पताल पुर्याईए पनि चिकित्सकले मृत घोषणा गरेका थिए ।

दुर्घटनामा मृत्यु हुने दुवै जनाको पहिचान खुल्न नसकेको पाल्पा प्रहरीले जनाएको छ । टिप्पर र चालक प्रहरीकोे नियन्त्रणमा छन् ।