दाङ । दाङबाट आम जनता पार्टीका उम्मेदवार रहेका कृण्णबहादुर विकले नेपाली कम्युनिस्ट पार्टीका उम्मेदवार निर्मल आचार्यलाई समर्थन गरेको घोषणा गरेका छन् ।

सोमबार दाङको घोराहीमा आयोजित एक कार्यक्रमका बिच आजपाका विकले आफ्नो पार्टीले उठाएका चुनावी एजेण्डासहित जनताको न्याय र सुशासन प्रबद्र्धनका लागि नेकपाले उठाएका सवाल समान रहेकाले समर्थन गरेको बताए ।

विकले विभिन्न नीति खारेज, लघुवित्त तथा वित्तिय संस्थाहरूकालाई राष्ट्रियकरण, लघुवित्तहरूको ऋण मिनाह, गरिब तथा विपन्न वर्ग समुदाय ३ प्रतिशत ब्याजदर कायम, भूमिहीन किसानलाई उचित बसोबासको व्यवस्थापन लगायतका मुद्धामा समान धारणा रहेकाले आफ्नो समर्थन रहेको उल्लेख गरे ।
सो अवसरमा नेकपा दाङ क्षेत्र नं. २ उम्मेदवार आचार्यले विकले उठाएका सवालहरुलाई नीतिगत व्यवस्थापनमा सुधार ल्याउने प्रतिबद्धता व्यक्त गरेका थिए ।