बुटवल । राष्ट्रिय स्वतन्त्र पार्टी रुपन्देहीका नेता एवं पार्टी भित्र प्रतिनिधि सभा सदस्यका उम्मेदवार आकांक्षी डा. श्रीबहादुर कुँवरले पार्टीबाट राजिनामा दिएका छन ।
उनले आज बिहिवार समाजिक सञ्जाल फेसबुकमा पार्टी केन्द्रीय अध्यक्षलाई सम्बोधनसहितको पत्र सार्वजनिक गर्दै राजिनामा दिएका हुन ।
रास्वपाका नेता डा कँुवरले आफूलाई रुपन्देही क्षेत्र नं १ मा प्रतिनिधि सभाको उम्मेदवार बन्न भन्दै अमेरिकाबाट बोलाएर पछि धोका दिएको जिकिर गरेका छन ।
‘मलाई उम्मेदवार बनाउन अमेरिकाबाट बोलाएर समानुपातिकमा ५० हजार रुपैयाँ र प्रतयक्ष उम्मेदवारका लागि २५ हजार गरि ७५ हजार लिएर प्राईमरी भोटिंग नै नगरी कसैको खल्तिबाट सुनिल लम्साललाई टिकट दिएर रास्वपाको नीति बिपरित अन्याय गरेकाले मैले कुनै पदमा नरहने गरी राजिनामा गरेको छु’ उनले भनेका छन । लम्साल रास्वपा वरिष्ठ नेता बालेन शाह काठमाडौंको मेयर हुँदा सल्लाहकारको भूमिकामा थिए । उनि रास्वपाका महामन्त्री छन ।