अजरन्यूज संवाददाता

बाग्लुङ । नपाली कम्युनिष्ट पार्टीका संयोजक पुष्पकमल दाहाल प्रचण्डले फागुन २१ गते हुने निर्वाचन राष्ट्रलाई गुलाम बनाउन खोज्ने र राष्ट्रको रक्षा गर्न खोज्ने प्रवृत्तिका बिरुद्धको लडाई भएको बताएका छन ।

नेकपा र जनमोर्चाले आज बिहिवार बाग्लुङको गल्कोट र बुर्तिबाङमा आयोजित जनसंवाद तथा भेटघाट कार्यक्रममा बोल्दै प्रचण्डले आउँदो निर्वाचन नियमित संसदीय निर्वाचन जस्तो सामान्य नभएको बताए ।

यतिबेला सामाजिक सञ्जालबाट जनतालाई दिग्भ्रमित पार्ने ठूलो कसरत भईरहेको उल्लेख गर्दै उनले निर्वाचनका माध्यमबाट जनताका बिचमा गएर राष्ट्र संकटमा पर्नुको सच्याई र निकासबारे स्पष्ट पार्नुृपर्ने धारणा राखे ।

‘यो निर्वाचन हो, आउँछ जान्छ भन्ने होईन, यो असाधारण निर्वाचन हो ।’ प्रचण्डले भने – ‘२४ गते देशलाई बिध्वंश गर्ने तत्व र यस्ता प्रवृति विरुद्ध राष्ट्रलाई एकतावद्ध बनाउने शक्तिबिच निर्वाचन हँुदैछ ।’  उनले बाग्लुङको सहकार्य सिंगो देशले हेरिरहेको समेत बताए ।

सोही कार्यक्रममा बोल्दै नेकपा मसालका महामन्त्री मोहनविक्रम सिंहले प्रतिगामीहरुका हर्कतलाई आगामी निर्वाचनको मतपरिणामले सशक्त जवाफ दिनुपर्ने बताए । यस्तो जिम्मेवारी जनताले निर्वाह गर्नुपर्ने उनको भनाई थियो ।