काठमाडौं, मङ्सिर ७-काठमाडौं महानगरपालिकाले नेकपा एमालेलाई एक लाख रुपैयाँको जरिवाना गर्ने निर्णयको पत्र काटेको छ l

काठमाडौँ महानगरपालिकाको कार्यालयले चलानी नं. १६६ भएको पत्र नेपाल कम्युनिष्ट पार्टी एमाले पार्टी कार्यालयको नाममा काटेको छ र विषय जरिवाना सम्बन्धमा उल्लेख गरिएको छ l 

 बिहीबार दरबारमार्गस्थित एमालेले गरेको जागरण सभाका क्रममा सडक तथा सडकपेटीमा जथाभावी फोहरमैला गरी वातावरण प्रदुषण गरेको भन्दै महानगरले एमालेलाई जरिवाना गरेको पत्र सार्वजनिक गरेको छ l 

महानगरले फोहरमैला व्यवस्थापन ऐन, २०६८ र काठमाडौं महानगरपालिकाको आर्थिक ऐन, २०८१ बमोजिम एमालेलाई जरिवाना तोकिएको जनाएको छ ।

एमालेको जागरण सभामा सहभागीहरूले बदामका बोक्रा,प्लास्टिक, पानीका बोतल र चाउचाउका खोललगायत फोहोर जथाभावी फालेका थिए l

काठमाडौं महानगरपालिकाको पत्र जस्ताको त्यस्तै :