बुटवल । रुपन्देहीको तिलोत्तमा नगरपालिका–१५ कोटिहवामा आज मंगलबार बिहान भएको दुर्घटनामा एक युवाकाे ज्यान गएकाे छ ।
भैरहवादेखि बुटवलतर्फ आउँदै गरेको ना ६ ख ३४३० नम्बरको ट्रकले मधेश प्रदेश ०३–०२९ प ५०७६ नम्बरको बुलेट मोटरसाइकललाई ठक्कर दिँदा बुटवल – ६ पुरानो बसपार्क बस्ने २१ वर्षीय उमेश गुप्ताको ज्यान गएको हाे ।
दुर्घटनामा घाइते भएका गुप्तालाई उद्धार गरी थप उपचारका लागि क्रिमसन अस्पताल मणिग्राम लगिएकोमा चिकित्सकले मृत घोषणा गरेका थिए । ट्रक चालक सप्तरी जिल्ला सुरुङ्गा–१ का २९ वर्षीय मुकेश कुमार चौधरी र ट्रकलाई नियन्त्रणमा लिएर थप अनुसन्धान अघि बढाइएको प्रहरीले जनाएको छ ।