बुटवल । नेपाली कांग्रेसका सभापति गगन थापाले नेपाली कांग्रेसले मात्रै देशलाई सम्हाल्न सक्ने दाबी गरेका छन् ।
कांग्रेसले आज शुक्रबार बुटवलमा आयोजना गरेको चुनावी सभालाई सम्बोधन गर्दै सभापति थापाले नयाँ र पुराना भनिने दलहरुले भोट मागेपनि उनीहरुले देश सम्हाल्न नसक्ने जिकिर गरे ।
उनले अहिलेको निर्वाचनमा कांग्रेसलाई भोट नहाल्नुपर्ने कुनै कारण नरहेको बताए । ‘कांग्रेसलाई भोट नहाल्नुपर्ने कुनै कारण छैन, तपाईंहरुले सबै मतदातालाई स्पष्ट रुपमा भन्नुस् ।’ उनले भने ।
सभापति थापा आजै कपिलवस्तुमा आयोजना हुने चुनावी सभामा सहभागी हुँदैछन ।