बुटवल । चलचित्र पत्रकार दिनेश सिटौलाको शवको पोस्टमार्टम गर्न परिवार राजी भएका छन । परिवारका सदस्यहरूले सुरूमा अस्पतालले आधिकारिक बयान दिइसकेकाले पोस्टमार्टम नगराउने अडान लिएका थिए ।
अन्त्येष्टिपूर्व पोस्टमार्टम गर्न प्रहरीको सुझावपछि परिवार राजी भएका हुन् । डीएसपी नवराज पोखरेलले पछि कुनै कानूनी प्रक्रियामा जानुपर्ने अवस्था आयो भने पोस्टमार्टम रिपोर्ट चाहिने भन्दै परिवारलाई कन्भिन्स्ड गरेका थिए ।
ग्राण्डीबाट पोस्टमार्टमका लागि सिटौलाको शव टिचिङ अस्पताल लगिएको छ । अस्पतालले ब्रेन ह्यामरेजका कारण सिटौलाको निधन भएको बताईसकेको छ ।
रास्वपाका वरिष्ठ नेता बालेन्द्र साहको टोलीमा रहेर अछाम गएका पत्रकार सिटौला अचानक बेहोस भएर ढलेपछि काठमाडौं ल्याइएको थियो ।

आज उपचारको क्रममा भेन्टिलेटरमा रहेकै अवस्थामा चिकित्सकले मृत घोषणा गरेका हुन् ।